DOMENICO E maie ca t’avesse visto sottomessa, che ssaccio? comprensiva, in fondo, della situazione reale che esisteva tra me e te. Sempre cu’ na faccia storta, strafuttente… ca tu dice: “Ma avesse tuoro io?… Ll’ avesse fatto quacche cosa?” Avesse visto maie na lagrima dnt’ a chill’ uocchie! Maie! Quant’anne simmu state nzieme, nun ll’aggio vista maie ‘e chiagnere!
FILUMENA E avev’a chiagnere pe’ te? Era troppo bello ‘o mobile.
DOMENICO Lassa sta o mobile. Un’ anima in pena, senza pace, maie. Una donna che non piange, non mangia, non dorme. T’ avesse visto maie ‘e durmì. N’ anema dannata, chesto sì.
FILUMENA E quanno me vulive vedè ‘e durm, tu? ‘A strada d’ ‘a casa t’ ‘a scurdave. ‘E mmeglie feste, ‘e meglie Natale me ll’aggio passate sola comm’ a na cana. Saie quanno se chiagne? Quanno se cunosce o’ bbene e nun se pò avè!Ma Filumena Marturano bene nun ne cunosce… e quanno se cunosce solo ‘o mmale nun e chiagne. ‘A suddisfazione ‘e chiagnere, Filumena Marturano, nun l’ ha pututa maie avè!
